الأحد، 2 نوفمبر 2008

مسمار جحا (تعليقات ساخرة نقلا عن موقع مصراوى)

مسمار جحا
ــــــــــــ
القمر الصناعى المصرى «إيجيبت سات ١
* مفروض يتم نشر صورة القمر المصري المختفي علشان اللي يلاقيه يتعرف عليه ويرجعه لأهله
ـــــــــ
حتي الطماطم!
* أسوة بالصور المرسومة على علبة السجاير للتقليل من شرائها.. أقترح وضع صورة على كل قفص طماطم ، يظهر فيها موظف مطلع جيبه بره وهو بيضحك.
ــــــــــــــ
تامر حسني
* الشعب مش عاجبه الضرايب الكتير.. أمال يعني هيجيبوا منين تمانين مليون لتامر حسني عشان يتكرم ويعمل مسلسل؟..متعلقات: 80 مليون جنيهاً أجر تامر حسني في أول دراما تليفزيونية له
شيكابالا
* رئيس الزمالك بيطالب محبي النادي بالتبرع علشان يدي شيكابالا 6 مليون في السنة وفتح الله 3 وهانى سعيد 3 ..اجيب شعر منين تاني عشان أشد فيه!..متعلقات: رئيس مجلس إدارة الزمالك الجديد يطلب التبرع من جماهير الزمالك + مرتضى منصور يفضح شيكابالا بالصور ويطالب بشطبه
ــــــــــ
إليزابيث الثانية
* ملكة بريطانيا ألغت حفل عيد ميلادها مراعاة لشعور شعبها اللي بيعاني من أزمة أقتصادية.. أكيد دي لو في مصر كانت زمانها انتحرت. (ملحوظة: الحفل الذي تتحمل الملكة تكلفته من أموالها الخاصة، يقام عادة كل عامين ـ الشروق)..متعلقات: ملكة بريطانيا تلغي حفل عيد ميلادها الذي يكلف 80 ألف دولار وتتلاشى الفوارق الطبقية خلاله
* كيلو الطماطم بعشره جنيه ...من أجلك أنت.
ــــــــــ
إبراهيم عيسي
* يبدو ان إقالة إبراهيم عيسى هي أولى الخطوات على طريق الاستجابة لمطالب الراغبين في تعديل الدستور.
* اليومين دول، لو عاوز تلبس حد مصيبة ، حط له كتاب خارجي في شنطة العربية وبلغ عليه..(متعلقات: طوابير الكتاب الخارجي تنافس طوابير رغيف الخبز)
* يا ترى لو مسكوا ولي أمر معاه 5 كتب خارجية.. هيتحبس اتجار ولا تعاطي؟ (متعلقات: بدر: الزيادة في رسوم الكتب الخارجية لدفع رواتب المدرسين .. والوزارة لا تتاجر بالطلاب)
* وزير التعليم بيقول "الكتاب الخارجي يقتل في الطالب روح التعلم والإبتكار" .. طب ما الكتاب المدرسي بيقتل الطالب نفسه.
* خبر سار لكل سواقين الميكروباص والتوك توك .. تقدر دلوقتى تفول التنك من النيل مباشرة بعد تسرب مئات الأطنان بمياه النيل بأسوان وده بس بمناسبة العيد..وكل سنة وانتو طيبين.
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)